دشن جماهير نادي الزمالك هاشتاج دعم لصالح قائد الفريق الأول لكرة القدم محمود عبد الرازق "شيكابالا" ضد مرتضى منصور رئيس نادي الزمالك المعزول.
الهاشتاج #شيكا_سيدك_يا مرتضى لقي انتشارا واسعا، ودخل قائمة الأكثر تداولا على مواقع التواصل الاجتماعي.
الهاشتاج جاء تضامنا مع كابتن الزمالك بعد البيان الذي أصدره للرد على اتهامات مرتضى منصور له بعدم مساندة الفريق في مقابل الحجز على النادي، وكذب شيكابالا اتهامات مرتضى ونفى أن يكون هناك حجز أصلا على أرصدة النادي.
فشل ذريع وصفر بطولات
في سياق متصل خرج لاعبو نادي الزمالك القدامى وجماهيره عن شعورهم بعد سلسلة الفشل المتواصلة لنادي الزمالك، فكتب لاعب الفريق السابق أحمد عيد عبد اللمك، ردا على منشور لأحمد مرتضى منصور، وعدد "عبد الملك أهم الإخفاقات التي مُني بها النادي في عهد مرتضى قائلا:
البطولات
وقف القيد .
فشل في تجديد عقود نجوم الفريق .
بيع نجوم الفريق .
بيع أهم لاعب في مركزه بدون نسبة إعادة بيع ورجوعه على المنافس.
١٠ سنين مخدتش دوري أبطال إللي كابتن أيمن معاه منه ٣.
وأبوك اللي بيخوض في أعراض الناس واللاعبين اللي في النادي .
فرع ٦ أكتوبر اللي رحت تصورت جنب الونش وجيت.
النادي اللي بقى ١٠٠ ألف عضوية ومحدش بيعرف يقعد فيه.
ده حتى فشلت تظبط المنبه تصحي أخيك يدفع غرامة، وصحيته علشان يتكتك لبابا في الانتخابات.
هو أنت عمرك أخدت قرارا أو أي حد معاك يقدر يأخذ قرارا، أنتم صورة بس.
ادخل بقى كده على كلامك ده لكابتن أيمن اللي محدش ينفع يتقارن برباط جزمته ودمه اللي كان بيسيل في الماتشات علشان يعمل تاريخا للنادي، وشوف رد فعل الناس لو لقيت ١٠ معاك من الجمهور يبقى أنت الكسبان.
https://twitter.com/14_ahmedeid/status/1689229696964112384
أنقذوا الزمالك
بينما غرد الناشط وسام وصفي فقال: "بعد سنتين ممكن يكون شيكابالا اعتزل، وممكن مرتضى يكون لسه موجود في النادي، الناس هتفضل فاكرة شيكا بس".
بعد ١٠ سنين شيكابالا هيكون معتزل وداخل على الخمسين، مرتضى هيكون مات إن شاء الله ، الناس هتفضل فاكرة شيكا بس.
بعد خمسين سنة أنا وشيكا ومرتضى هنكون تحت التراب، الناس هتفضل فاكرة شيكا بس.
وبعد ١٠٠ سنة لو أحفاد ابني كانوا بيحضروا وثائقي عن الزمالك، أكيد هيتذكر فيه شيكا بس.
فهذا الهلفوت مرتضى نكرة، لن يتذكره أحد بعد خروجه من الكرسي بساعة زمن، بس شيكا جزء أصيل من تاريخ الزمالك، جزمة شيكابالا أو أي رمز زملكاوي حقيقي تساوي ١٠٠ من نوع مرتضى ، في الدنيا راهن على الأسد تلقى الرهان كسبان.
https://twitter.com/WasfyWaseem/status/1689120307393499136
مرتضى مريض نفسيا
تبعه ديفيد، مرتضى منصور غير إنه فاسد و بيتربح من منصبه في نادي الزمالك زيه زي غيره من مراكز القوى ورؤساء الأندية الشعبية.
ركز في وقفته و قبضة إيده على المايك ،هتشوف إنه إنسان معتل يحب الشهرة و الظهور.
و نادي الزمالك هو المنبر اللي بيحقق له هذه الرغبة الدفينة في الظهور و الانتشار، و لهذا أيضا يفتعل المعارك مع كل الناس و يتغذى عليها، لإنها وسيلته المضمونة لاستمرار تسليط الأضواء و الكاميرات عليه.
لو فهمت الشيئين دول هتفهم شخصيته و أفعاله و ردود أفعاله .
https://twitter.com/DutchEgyptian/status/1689180273613643777
وعلق زملكاوي للأبد ، فين المسؤلون وفين الدولة وفين رموز النادي من اللي بيحصل في الزمالك؟ حرام اللي بيحصل في الزمالك ده من مرتضى وأولاده، كمل ياشيكا وإحنا كجمهور في ضهرك ماتخفش من أي شخص .
https://twitter.com/omarzez42976406/status/1689025991253864448
