تفاعل ناشطون مع كلمات "15 سبتمبر" المفتاحية على "تويتر" بعدما تبنى أعضاء اللجان الإلكترونية الترويج لإشاعات انهيار الجنيه عند هذا التاريخ ، سبق وأن فعلتها الأذرع مع خبراء الانقلاب بالترويج في 2016، لوصول الجنيه إلى حيز 4 جنيهات.
هذه المرة تولى يوسف الحسيني كبر النفخ في الإشاعة وقال إن "اللي معاه دولار يحوله لجنيه ويلحق يخلص منه قبل 15 سبتمبر" وذلك على سبيل "نصيحة لوجه الله" من يساري أبا عن جد.
ودعم إشاعته بإشاعة أكبر وهي أن "الفترة القادمة ستشهد تدفقات استثمارية على مصر" وذلك خلال برنامج التاسعة على القناة الأولى.
أعضاء اللجان نسخوا من بعضهم تغريدة واحدة سجلها أغلبهم وكانت على النحو الذي كتبته اللجنة (@AmrFahm51034920) "حقيقة واقعية ، زعماء وملوك العرب جميعا سيحضرون افتتاح مدينة العلمين يوم ١٥ سبتمبر المقبل ، ومعهم رجال أعمال ومستثمرون كبار برعاية وحضور الرئيس السيسي وفيه مشاريع استثمارية ضخمة هتتعمل في مصر ، اللي معاه دولار ومخبيه يطلعه ويوديه البنك لأن الدولار بعدها هينزل سعره ، تحيا مصر ".
اعتقد ممكن من يوم ١٥ سبتمبر يمنعوا دخول أي دولارات غير معلومة المصدر للبنوك كعقاب للناس اللي اشترت دولارات الفترة اللي فاتت خوفاً من تعويم تالت للجنيه..كل غلطة الناس دي أنها بتحاول تحافظ على قيمة شقى عمرها .. دائما الناس هي اللي بتدفع ثمن أخطاء أبو ٥٠٪
— The Walid ⛅ (@mrwsi) August 23, 2022
قشة الجنيه
واعتبر الناشطون أن حديث الأذرع واللجان المتفق يعني أن تعويما جديدا للجنيه في الطريق، وقال أحدهم "الذي غرق منذ سنوات في منتصف سبتمبر سيكون بمثابة القشة التي قصمت ظهر البعير وشرارة انطلاق ثورة الجياع في مصر ضد السيسي عدو الله".
الباحث الحقوقي الأمريكي تيموثي قلدس وعبر (@tekaldas) اعتبر أن تصريحات الأذرع ومنهم يوسف الحسيني بخصوص الجنيه والعملة الأجنبية هو نموذج لغياب الإعلام الحر "It's an example of economic dangers of a lack of a free press ".
وعلق الصحفي سليم عزوز (@selimazouz1) إعلام حلق حوش، قال الحسيني "اللي معاه دولار يخرجه ويجري على البنك قبل 15 سبتمبر، كما لو كان الدولار سيهبط بعد هذا التاريخ ، قال له بتأكل إيه يا أبو الفصادة ؟ قال زبدة ، علق "كان بان على رجليك" ما هو جديدكم بعد 15 سبتمبر غير قديمكم؟
وقال حساب وجدي عبدالعزيز (@sniper00_76) "يعني أحمد موسى جايب خبير اقتصادي بيقول إن "مصر مطلوب منها ٣٠ مليار دولار خلال أربع شهور ديون ، و يوسف الحسيني بيقول للناس اللي عنده دولار يطلعه قبل ١٥ سبتمبر، والبنوك لما تروح تغير دولار يسألونك من فين ؟ وممكن ما يأخذوهش لو مش معاك إثبات، وإحنا عندنا عجز في الدولار فعلا حكومة مسخرة".
وأضاف خالد نيويورك (@KhaledEibid) "تعليمات الجهات الأمنية إلى إعلام السيسي إرهاب الشعب المصري بالتخلص من الدولار بعد انهيار الجنيه المصري بسبب غباء السيسي الاقتصادي وفساده بالاقتراض وبناء قصور رئاسية ، يوسف الحسيني وأحمد موسى ولجان السيسي على تويتر للمصريين «نصيحة لوجه الله ، اللي عنده دولار يطلعه قبل 15 سبتمبر».
١٥ سبتمبر هذا ما يؤكد ان #السيسي_وعصابته ماهم الا شلة منافقين معلومي النفاق،لو عددنا كم وعد وعدنا بيه هذا #الشيطان_الأكبر_السيسي وللاسف لسه فيه مجموعة من #المعيز واللجان اللي بتقبض شغالين لمعة وورنيش لسحنته المقرفة#مش_هيرحل_غير_بالقوه
— عوف الاصيل (1) (@h_shoor) August 23, 2022
ساخرون
الدكتور حسن هاشم تعجب عبر (@hassan321) من التصريحات المتشابه مع تصريحات 2016 "الله أعلم ، نفس الكلام قبل تعويم ٢٠١٦ ، تخلصوا بسرعة من الدولارات اللي معاكم علشان الدولار هينهار، وكلنا طبعا عايشنا وعايشين الانهيار بكل انبهار".
علي فكرة بيقولك "الدولار هيبقى يوم ١٥ سبتمبر بثلاثة جنيهات في سوق العبور، وكمان فيه بجنيه ونص بس مفعص".
وتعجب الصحفي جمال سلطان (@GamalSultan1) من تصريحات الأذرع وكتب "عماد أديب يضرب من جديد، للأسف كان نفسي أبشّركم بالشهور الباقية من هذا العام وبالعام المقبل، لكن عذراً، الآتي سوف يسير من سيئ إلى أسوأ، ومن هنا نتوقع انهيارات اقتصادية كبرى تؤدي إلى قلاقل اجتماعية عنيفة تنجم عنها فوضى أمنية غير مسبوقة ، طيب انتظر يا عماد لبعد 15 سبتمبر".
وأضاف حساب محمد و السلام (@EgMohad11) "الدولار سيسقط يوم ١٥ سبتمبر و غالبا الجنيه حيبقى ب ٤ دولار أو أقل و حنعمل محشي ورق دولارات و حنمسح به إزاز الشبابيك و اللي معاه جنيه محيره يغيره لدولار و يطيره".
وساخرا كتب السيناريست حسام الغمري (@HossamAlGhamry) معلقا على الحسيني "لا يا راجل ، على العموم ألف سلامة ".
دولار ايه اللي هيكون يوم ١٥ سبتمبر ب ٤ جنيه
طب يوسف الحسيني اهبل انتوا ماشيين وراه
اذا كان الدولار في السوق السوداء النهارده معدي ال ٢١ جنيه
رغم أن الاستيراد مقفول كمان
الناس تروح تفك النهارده ب ١٩ جنيه يقوموا معومين الجنيه بعدها ويخلوه ب ٢٢ جنيه
والناس اللي تخسر في الموضوع ده— التركي (@elturkey2013) August 22, 2022
وغرد أحمد فرحات (@AFarahat_Writer) "هو إيه الهجمة بتاعت اللي معاه دولار قبل 15 سبتمبر يوديه البنك ، هم فاكرينا نسينا اللي حصل في 2016 وأكبر تغفيلة حصلت في التاريخ وقطمت وسط الناس كلها، إن كان في دلالة فهي أن اليوم ده في تغفيلة جديدة، المؤسف أن اليوم ده عيد ميلادي (لو حد حابب يجيبلي آي فون أو ماك بوك هدية😂😇)".
وأضاف عبدالله بن مسعود (@Abdullah2022012) "يعني أنتم مش عايزين الدولارات قبل نهاية السنة عشان ال 30 مليار المطلوبة منكم 🤔 عشان الدولار هينهار بعد 15 سبتمبر 😥 لا واثقين أوي و محددين هينهار متى بعد 15 سبتمبر يعني لحد يوم 14 إحنا في السليم 😒 ما كفاية بقى استخفاف بينا عليكم من الله ما تستحقوا".
وغرد عبدو (@abdowie) "أي حد وطني، لازم يطالب بمحاكمة الراجل ده، ده عايز يخسر الدولة ، إزاي يطلب من الناس تبيع الدولار للبنك دلوقتى، عايز الدولة تأخد منهم الدولار بالغالي ، وبعدين يرخص عندها مش خايف على مصلحة البلد ، سيبهم يا أستاذ يشتروه هم بالغالي ونبقى نأخذه منهم بالرخيص بعد ١٥ سبتمبر ، اقتلوا الخائن".
المؤتمر الاقتصادي ف العلمين ١٥ سبتمبر ٢٠٢٢
سوري سوري دا بتاع شرم الشيخ ٢٠١٥ pic.twitter.com/LcIzfx3ZSb— Ahmad (@A7madAnw) August 22, 2022
