على مدار يوم كامل، حالة من الجدال انتابت رواد السوشيال ميديا ، بعد حالة الخلاف حول ضرورة كتابة مكونات المنزل بين العريس والعروسة والتي تعرف باسم "القايمة" الأمر الذي جاء باختلاف بين فريقين إحدهما يرحب بالأمر والأخر يرفض ، إليكم التفاصيل:
وكتب أحد النشطاء ، اللي عمل الهاشتاج ده واحد مش محترم يقبلها على أخته؟ و على العموم الرجالة كمان بتعنس مش بس البنات ، و فيه بنات كتير أوي بترفض الزواج و مش معنى كده أنها عانس ، و ربنا يحفظ بناتنا منكم و من فعل الهاشتاج لإهانة المرأة اللي هي الأم و الأخت و البنت.
#خليها_تعنس
https://twitter.com/masrea_1211/status/1552351023678767104
في حين رد عليه حساب ، ذكوري حتى النخاع ، الزواج بالنسبة للمصرية وأهلها سبوبة قولا واحدا.
#خليها_تعنس
https://twitter.com/DAlnkha/status/1552375043581218821
وغرد أخر ، زواج المصريين من مغربيات بينتشر جدا.
المغربية جمال وأخلاق وتدين وتيسير في المهور ومش بتخونك وتمضيك قايمة وتسجنك وتمنعك تشوف أولادك لو حصل طلاق ، تجوز مغربية والمصرية #وخليها_تعنس.
https://twitter.com/DAlnkha/status/1552376037421588484
وعلقت المنحوسة ، العنوسة ده مصطلح قبيح زي اللي طلعه بالظبط عشان البنت مفيش حاجة تنقص منها لو متجوزتش ، بالعكس العيب لو اتجوزت شخص لايحمل من صفات الرجولة سوى الذكورة فقط زي اللي طلع الهاش ده .
#خليها_تعنس
https://twitter.com/samsemo2030/status/1552360883011076099
خالد 3 ، إيه الهاشتاج القذر ده وإيه قمة الانحطاط من الشباب والبنات ده و على حد سواء ، ما ترتقوا شوية ده بدل ما تقدموا حلولا تقوموا تشتموا في بعض.
#خليها_تعنس
https://twitter.com/khalid_rashid33/status/1552410715708964867
ورد عليه ناشط ، الدولة بتعاقب الرجل المصري عشان فكر يتجوز مصرية .
لا أنا أعيش أعزب بكرامتي والهانم المصرية #خليها_تعنس
https://twitter.com/DAlnkha/status/1551673410480230403
محمد سلام ، معلش يا جماعة هي الرجالة المعترضة على حوار القايمة دا معترضين ليه؟ على فكرة دا الأصل في دينك أن زوجتك بتيجي معززة مكرمة على بيتها الجاهز من جميع النواحي، أنا شايف حتى لو هنتعب شوية أو كتير برضوا الموضوع جميل جدا جدا جدا وربنا يرزق كل واحد عايز يجوز #خليها_تعنس.
https://twitter.com/mo_sallaam/status/1552359364257845248
وبسط عبد الرحمن المر فكتب، الموضوع أنتم فاهمينه غلط خالص ، البنت بتأخد المهر اللي العريس بيقدر عليه ومش بيعمل فرح ولا بيكون فيه مصاريف فستان وميكب والهري ده.
وبيجهز شقته باللي يقدر عليه، بالحاجات الأساسية فقط بدون نيش وبدون الهري ده كله ، فالموضوع بيخلص بسرعة.
#خليها_تعنس
https://twitter.com/abdo_msk/status/1552359928651808768
ارتفاع نسب العنوسة والطلاق
وارتفعت نسبة العنوسة في مصر وتأخر سن الزواج للفتيات خلال السنوات الأخيرة، حيث ارتفعت نسبة الطلاق بشكل كبير عن نسب الزواج والارتباط، وبعض الأسر لا تعرف أسباب ارتفاع نسبة العنوسة في مصر والحلول.
تقول الدكتورة سامية خضر، أستاذ علم الاجتماع إنه "من بين أسباب ارتفاع نسبة العنوسة ارتفاع الطلاق بشكل كبير وخوف الكثير من الفتيات والشباب من خوض التجربة، فضلا عن المغالاة في المهر من قبل الأسر المصرية التي تشترط على المتقدم لخطبة بناتهن مهورا مرتفعة بشكل كبير وأكبر من قدرة الشاب، التقاليع الفارغة والتقليد الأعمى السبب في عزوف الشباب عن الزواج وارتفاع نسبة العنوسة وتأخر سن الزواج لدى الفتيات".
في السياق، دق الجهاز المركزي للتعبئة والإحصاء المصري ناقوس الخطر بتقرير حديث نشره وكشف فيه ارتفاع نسب الطلاق في مصر بشكل غير مسبوق في الآونة الأخيرة.
وجاء في التقرير أن حالات الطلاق وصلت إلى حوالي 213 ألف حالة بواقع حالة كل دقيقتين، الأمر الذي يؤكد أن هذه الظاهرة زادت في السنوات الأخيرة وتمثل تهديدا للواقع الاجتماعي في مصر.
ويؤكد الدكتور وليد هندي استشاري الصحة النفسية أن 65% من حالات الطلاق تكون في السنة الأولى من الزواج، ومن بين الأسباب تدخل الأهل ، حيث إن هناك حالات طلاق ما بين 28 إلى 32% سببها أن أهل الزوج يتحكمون في كل أمور الحياة.
ويشير استشاري الصحة النفسية إلى أن عدد المطلقات في مصر تخطى 2.5 مليون مطلقة، بسبب عدم الفهم الصحيح للزواج ومعنى العائلة ، فمعظم من يتزوج يكون السبب إشباع غريزة أو عاطفة أو واجهة اجتماعية، ومجرد أن يتم الزواج يحدث صراع القوة في السنة الأولى ، وكل فرد يريد أن يفرض سيطرته على الآخر دون استيعاب الطرف الآخر.
